LAOAG CITY – Inrakurak ni Atty. Julius Balbas, Election Officer ditoy siudad ti Laoag nga adda iti desision iti Korte Suprema maipanggep kadagiti pannakausar dagiti public utility vehicle kas campaign paraphernalia.
Segun kenkuana, ditoy a naibaga no ania ti takem ti panagusar iti utility vehicle kas campaign paraphernalia dagiti kandidato.
Inlawlawagna a dagiti public utility vehicle ket sakupenda ti publiko a kayatna a saoen ket dagiti akinkukua ket maikonsiderar a pribado a tao.
Kunana a no pribado a tao ti akinkukua dagitoy ket awan ti hurisdiksion iti Commission on Election a mapawilan dagitoy iti panangikabilda ti campaign materials kadagiti behikuloda.
Innayonna a ti kiddawda kadagiti public utility vehicle ket masapul a sumurotda kadagiti naikeddeng a size dagiti tarpaulin a maikabil iti luganda.
