LAOAG CITY – Maibilang pay laeng a “generally peaceful” ti election period iti intero nga Ilocos Norte, sumagmamano laengen nga aldaw sakbay ti eleksyon ti Barangay ken SK elections.
Daytoy ti pinasingkedan ni Provincial Director Police Senior Supt. Cesar Pasiwen.
Inbatad ni Pasiwen a ti pay laeng kangrunaan a tututukan da ket dagiti lugar nga adda iti Election Watchlist Area (EWA) da.
Dagitoy ket iti ili ti Pasuquin, Marcos, Badoc ken ditoy ciudad ti Laoag.
Inpakaammo na nga iti daytoy nga aldaw ket addan ton ti augmentation da kadagiti nadakamat a lugar manipod iti region, Philippine Army ken dadduma pay a law enforcements.
Mainaig ti daytoy, inbatad ni Pasiwen nga adda dagiti mairepreport kadakuada nga adda dagiti aggatgatang ti botos kada agibunbunong ti groceries a kandidato ngem iberberipikar da pay laeng no pudno wenno saan.
