LAOAG CITY – Inbatad ni Atty. Joel Ginez, ti Election Supervisor ditoy probinsya a masapol a pilyen a naimbag dagiti kandidato ti irakrakurak da kontra kadagiti kalaban da ita a panawen ti eleksyon.
Inpetteng na a ti negative campaigning kas iti bullying ken discrimination ket adda ti kaibatugan na a pannusa.
Inlawlawag na a dagiti mairakurak dagiti kandidato kontra kadagiti kalaban da a mailabsing iti linteg ket saan nga i-tolerate ti Commission on Elections.
Kuna ni Ginez a no ti laeng irakrakurak ti kandidado ket saan a botosan ti kalaban na gapu ta awan ti naa-aramidan na iti panagtugaw na ket awan ti malabsing na a linteg.
Nupay kasta, no adda ti alegasyon ti kandidato a panagtakaw wenno panagkunniber kontra iti kalaban na ket masapol a paneknekan na daytoy gapu ta nadagsen daytoyen nga akusasyon.
