LAOAG CITY – Saan a kayat nga ipausar dagiti mismo empleyado ti DPWH ti lugar a paset ti Isolation Facility a pagpapaanginan dagiti nakaquarantine.
Daytoy ti inlawlawag ni Dr Rina Corpuz, mangidadaulo kadagiti quarantine facilities ti probinsya kalpasan nga adda ti dimmanon a reklamo iti Bombo Radyo Laoag a sinerraan dagiti kameng ti Provincial Security Guard ti lugar a naituding a pagpaanginan, paginaan wenno pagehersisyoan dagiti nakaquarantine iti nasao a lugar.
Segun kenkuana, ti DPWH mismo ti nangidiaya kadakuada a mabalin nga usaren dagiti quarantiners ti nasao a lugar a pagpaanginan dagitoy tapno saanda a maboring wenno mapupok iti nasao a pasilidad.
Nupay kasta, kunana a dagiti empleyado iti DPWH nga agop-opisina ti kontra a mangipausar ti nasao a lugar.
Naamoan nga adda ti pakaammo kadagiti empleyado sipod idi naaramid nga isilation facility ti motorpool ti DPWH ngem agpapan ita a gundaway ket saan pay da pay a nagvacate.
Nupay kasta, inbatadna a naikoordinar iti DPWH Regional Office ti nasao a banag ken iyur-uray da pay laeng ti sungbat ti nasao nga opisina.
