LAOAG CITY – Maladingitan wenno madi ti rikna ni Engr. Manuel Aurelio, ti Asst. City Engineer ditoy ciudad ti Laoag gapo ta saan a na a ninamnama a mapalsipikar ti pirma na mainaig kadagiti equipment partikular ti scissor lift.
Segun kenni Aurelio, saan na nga ammo no anya ti gagem dagiti akin-aramid iti daytoy.
Inpetteng na a no ammo na a legal ket saan a narigat a kasarita a mangawat ti maysa nga equipment nanrguna no mausar da iti trabaho da.
Inlawlawag na nga idi kabayatan ti imbentaryo ken nadamag ti bise mayor no siasinno ti naka-MR iti nasao nga equipment ken naitudo isuna ket nagriri gapo ta awan ti malagip na nga inawat na.
Kunana nga idi nakita da ti orihinal a dokumento ken inpetteng na a saan na a pirma ti adda iti daytoy ken nakita a saan nga agpada.
Gapo iti daytoy, inbatad ni Aurelio a binalakadan isuna ti bise mayor a mangpila ti kaso mainaig iti daytoy.
