LAOAG CITY – Immanamong ti partido da Engr. Orlando Perez ken ni Pagudpud Sangguniang Bayan Member Reynald Garvida nga adda ti maisayangkat a pormal nga imbestigasyon seknan ti kaso administratibo a sangsangoen ni Garvida.
Daytoy ket kabayatan ti naiyudwat a preliminary conference iti Sangguniang Panlalawigan.
Ditoy nga inbinsa-binsa dagiti legal counsel ti complainant dagiti stipulations wenno facts no admitiren ti partido wenno saan.
Rumrumuar nga idi 2013, adda ti naawat ni Garvida manipod kenni Perez a 50 ribo a pisos kas financial support para ti election campaignna a saan met nga inadmitir ti partido ni Garvida.
Adda pay alegasyon nga adda ti naawat ti respondent a 100 ribo a pisos manipod iti kaanakan ni Perez idi 2013 kas kontribusyon iti 3 way partnership ken adda ti pinermaan ti respondent nga acknoledgement receipt para ti naawatna a 100 ribo a pisos ngem saan nga inadmitir ni Garvida.
Mainaig iti daytoy, idi Hunyo 1 nassummonan ni Perez iti Brgy. Council ti Brgy. Caparispisan tapno sungbatan ti reklamo a violation of damaging barangay properties.
Rumrumuar a present ni SBM Garvida kabayatan ti hearing iti barangay ngem inpetteng ti legal counsel na a sa laeng present ni SBM Garvida idi alas2 ti malem ken saanna a naparugi ti nasao a taripnong.
Ipetpetteng ti respondent a ti salvage zone rule ket 25mtrs re ti sanikua ti complainant ket ditoy a tinawagan ni Garvida ti PENRO tapno iclarify a 20mtrs ti salvage zone rule ken saan a 25mtrs.
Nagsurat ni Brgy Chairwoman Garvida iti CENRO tapno kiddawen a maimbestigaran iti sanikua ni Perez ken rumrumuar a nangisayangkat ti DENR ti imbestigasyon nga awan ti prior notice na.
Malaksid iti dayta ket maipagarup nga hold ni Brgy Chairwoman Garvida ti building permit nga inaplikaran ti asawa ni Perez a ni Teresita Perez.
Kabayatanna, kalikagum ti partido ti complainant a maipadalan iti preventive suspension ni SBM Garvida.
Umuna a maipresentar dagiti testigo iti partido ti complainant idinto a maisaruno met dagiti testigo iti partido ti respondent.
Manamnama a maisayangkat ti hearing mainaig iti daytoy kaso administratibo intono Marso 1 ken 8.
