LAOAG CITY – Nagballaag ti environmental NGO a BAN Toxics iti publiko ken ginutigotna dagiti ahensia ti regulatory agencies a solbaren dagiti peggad a gubuay iti narisgo a kemikal ken pollutants a pagpatay ti insekto.
Daytoy ket iti baet ti panagngato ti kaso dagiti dengue no sadinno iti datos ti Department of Health (DOH) mangipakpakita ti 33% a panagngato manipud idi Enero 1 agingga Àgosto 3 maidasig iti kapada a panawen iti napalabas a tawen.
Segun ken ni Thony Dizon, Advocacy ken Campaign Officer ti grupo, dagiti mosquito coil ket dagiti produkto a pagpatay ti insekto nga inaramid manipud iti napagtipon a sintetiko a kemikal kas kadagiti pyrethroid karaman ti esbiothrin ken dagiti materyal a nakaibasar iti sabsabong a manglaplapped iti kagat ti lamok, nagdikket a coil ken mabalin a mauram iti uneg ti sumurok-kumurang 8 nga oras.
Naammoan nga apaman a mangrugi ti pannakauram daytoy, dagiti pagpatay ti insekto ket agsingaw pakairamanan ti asok tapno makatulong iti panangbugaw wenno panangpatay kadagiti lamok ken rummuar iti particulate matter (PM) .
Basar iti grupo, ti panagtilmon ti aerosol spray a naglaon ti pyrethrins ket posible a mangitunda ti narigat a panaganges, panaguyek, panagtegerger, dagiti seizure, panagsakit ti buksit, panag-vomit ken dadduma pay.
