LAOAG CITY – Nadismaya ni Epy Quizon ti damag mainaig iti posible a pannaka-demolish iti Dolphy Theater.
Ti Dolphy Theater ket sakupen iti dakkel a paset ti Kapamilya Network iti Quezon City nga inlakona iti Ayala Land Inc. iti balor a PHP6.2 billion.
Naipanagan ti Dolphy Theater iti pimmusay nga ama ni Epy, ti King of Comedy a ni Dolphy.
Nairubuat ti establishimento idi nagselebrar ti maika-80 a panagkasangayna idi 2008 ti beterano nga aktor.
Pimmusay ni Dolphy iti tawenna a 83 idi Hulio 10, 2012.
Mamati ni Epy a ma-demolish man ti Dolphy Theater, agtalinaed iti puso ti tunggal Pilipino dagiti inaramid ti amana.
