LAOAG CITY – Nagpannawagan ti maysa a grupo ken ni Presidente Bongbong Marcos Jr. a saan kuma a madadael ti espiritu ti Krismas.
Segun iti Partido Manggagawa, rumbeng laeng nga itantan pay laeng ni Pres. Marcos ti panangpirma iti 2025 national budget gapu ta patienda a saan nga umiso daytoy.
Malaksid iti zero subsidy para iti Philippine Health Insurance Corp., wenno PhilHealth, sumagmamano a departamento kas iti Department of Social Welfare and Development wenno DSWD, Department of Education wenno DepEd ken Department of Labor and Employment wenno DOLE ti naikkatan ti budget iti Bicameral Conference committee.
Gapu iti daytoy, mangnamnama ti grupo nga inton tawen 2025, addanto 50% a panagngato ti PhilHealth coverage, kas napagsasaritaan iti budget deliberations ken inkari ni Health Secretary Teodoro Herbosa.
