LAOAG CITY – Sumaysayaaten ti estado ti Laoag City General Hospital.
Segun kenni Mr. Edgar Pascual, ti City accountant iti nasao nga ospital, daytoy ti resulta iti agtultuloy a panagtitinulong tapno in-inot a mapapintas ti serbisyo a maipaay kadagiti umili.
Inpakaammo na a regular metten iti pannakaited ti sweldo ken benepisio dagiti empleyado iti nasao nga ospital.
Malaksid iti daytoy, maipapayen a dagus ti bayad dagiti nagduduma a kasapulan iti ospital kas kadagiti agas, medical equipment ken dadduma pay.
Inpanakkel na a pammaneknek daytoy nga in-inoten a magungun-od ti Laoag City General Hospital ti estado na nga economic enterprise.
Immunan a nairakurak a ngumatngaton ti mapaspastrek ti ospital gapu iti kinaado dagiti pasyente ken maipapaay a serbisyo kadagiti umili.
