LAOAG CITY – Inbatad ti gobernador ti estado ti Washington nga i-activate da ti sumagmamano a kameng ti National Guard tapno ag-stand-by kalpasan ti impormasion ken pakaseknan maipapan iti mabalin a kinaranggas mainaig iti 2024 United States Presidential election.
Segun ken ni Gov. Jay Inslee, kalikagom na a siguraduen ti naan-anay a kinasagana ken kinatalged ti nasao a lugar.
Gapu ta addan ginasut a balota ti nadadael gapu iti pannakausar ti incendiary device iti drop box iti siudad ti Vancouver.
Maipalagip a ti estado ti Washington ket maysa kadagiti estado a nakapuoran dagiti kahon ti balota iti nasapa a paset ti lawas.
Kabayatannna, addan nasurok nga 66 a milyon a tattao ti nakabutosen.
