LAOAG CITY – Inpasigurado manen ti Estados Unidos ti napigsa a suportada ti Pilipinas iti baet ti kumarkaro a tension iti Middle East kagiddan daytoy ti pannakaisayangat ti Balikatan Exercise 2026 idi Lunes, Abril 20.
Segun ken ni Armed Forces of the Philippines Chief General Romeo Brawner Jr., daytoy ket direkta a kinumpirmaran ni United States Indo-Pacific Command Chief Admiral Samuel Paparo Jr. a nangibaga nga agtaltalinaed a natibker ti suporta ti Amerika a manamnama a daytoyen ti kadakkelan a Balikatan ti pakasaritaan.
Inbatadna nga adda ti umurok 17,000 a suldado ti manamnma a makipaset ti panagsanay karaman ditoy ti 10,000 manipud iti Estados Unidos no sadinno a 18 a pagilian ti makipaset kas observers.
Inpaganetget ni Brawner a ti uneg ti sumurok tallo a dekada, agtultuloy a patpatibkeren ti Balikatan ti relasion ti Pilipinas ken Estados Unidos nga ad-adda a nalawlawa ti agdama a situasion ti seguridad.
Innayon pay ti opisial a ti panagsanay ket saan a kontra ti aniaman a pagilian no diket tapno papigsaen ti puersa, interoperability ken panagsagana dagiti makipaet para iti seguridad ken kapia ti rehion.
