LAOAG CITY – Nawaya-wayaan ti tallo nga Americano a naibalud idiay China kasukat ti tallo nga Insik a balud met idiay Estados Unidos, kalpasan a nagsarita ken immanamong ti administrasion ni US President Joe Biden iti panagsinnukat dagiti balud.
Gapu iti daytoy, kinuna ti pannakangiwat ti National Security Council nakasublin da Mark Swidan, Kai Li, ken John Leung idiay Estados Unidos.
Idi laeng kalmam ket nagbiyahe dagitoy, agraman dagiti tallo nga Insik a nawaya-wayaan ket addan iti salinong dagiti otoridad ti China.
Maipalagip a ti panagsinnukat dagiti balud ti Estados Unidos ken China ket naidatar pay laeng idi napan a bulan.
