LAOAG CITY – Inkalintegan ti Estados Unidos ken Israel ti inwayatda a joint military operations kontra iti Iran iti emergency meeting ti United Nations Security Council idinto nga inawagan met ti Iran a maysa a “war crime” ti pannakatay dagiti sibilian gapu kadagiti airstrike.
Inpetteng ni United States Ambassador to the United Nations Mike Waltz a nabayagen a binigbig ti international community ti prinsipio a nasken a saan a maaddaan ti nuclear weapon ti Iran.
Binabalaw ni Waltz ti presensia ti Iran iti taripnong ken inpettengna a pagtalinaeden ti Amerika ti “moral clarity.”
Kabayatanna, inbatad ni Israeli Ambassador to the United Nations Danny Danon a naiget a napagnunumoan dagiti nagbalin nga addangda.
Naiget a kinondenar ni Iranian Ambassador Amir Saeid Iravani ti pannakatay dagiti sibilian pakairamanan ti sumurok 100 nga ubbing iti Minab School iti southern Iran ken inawaganna daytoy a “war crime.”
