LAOAG CITY – Inbilin ti Korte Suprema idiay Brazil ti pannakaipadalan iti house arrest ni dati a President Jail Bolsonaro.
Ni Bolsonaro ket manarimaan ti pannakausig na gapu iti alegasyon a plinano na nga ipatungpal ti kudeta, banag a naglikudan ti dati a presidente.
Inlawlawag ti huwes a ni Alexandre de Moraes, nadutukan nga agimbestigar iti kaso ni Bolsonar a naiyetnag ti desisyon gapu ta saan a nagtungpal ti dati a presidente iti restraining orders iti napalabas a bolan.
Inpetteng met ti kampo ni Bolsonaro nga awan ti linabsing nga aniaman a restraining order ken iyapela da ti desisyon ti kangatoan a korte.
Mainaig iti daytoy, iti statement, naiget a kinondenar ti Estados Unidos ti nagbalin a pammilin ti korte ken nagpangta nga agsungbat amin dagiti tumultulong ken nangipataw ti sanction kontra iti dati a presidente ti Brazil.
Inusar pay ni US President Donald Trump ti pannakausig ni Bolsonaro nga inawagan na kas “witch-hunt”, ti panangipataw na ti 50% a taripan kadagiti produkto ti Brazil idi baet nga addaan da ti trade surplus iti nadakamat a pagilian.
