LAOAG CITY – Naminsan manen a nakakumpiskar ti Estados Unidos ti oil tanker iti Caribbean Sea.
Ti nasao nga addang ket paset ti panangkontrol ti Estados Unidos kadagiti panagangkat ti Venezuela iti langisda.
Basar iti United States Southern Command, ti MV Veronica ket basta lattan a naglayag a rummuar iti Venezuela ken daytoy ket agsalsalungasing iti pammilin ni United States President Donald Trump.
Daytoy ti maikanem nga oil tanker a kinumpiskar ti Estados Unidos iti Caribbean Sea.
Naammoan a saan nga agsardeng ti Estados Unidos iti panangkumpiskar kadagiti dark fleet a daytoy ket bukbuklen ti sumurok maysa a ribu a lugan pang-baybay a mangikarkarga kadagiti sanctioned oil.
Kabayatanna, sipod idi inarestar ti Estados Unidos ni Venezuelan President Nicolas Maduro ket plano ti Amerika a kontrolen ti oil reserves ti nasao a pagilian.
