LAOAG CITY – Nangipataw ti pannusa ti Estados Unidos iti Chinese tanker a dimmalyasat iti Strait of Hormuz iti baet ti blockade ti Amerika.
Basar iti datos ti LSEG, MarineTraffic ken Kpler, ti Rich Starry ti umuna a makadalyasat ken makaruar iti Gulf sipud nangrugi ti blockade.
Ti tanker ken ti akinkukua daytoy a Shanghai Xuanrun Shipping Co Ltd ket pinatawan ti pannusa ti Estados Unidos gapu iti pannakikoordinarna iti Iran.
Ti Rich Starry ket maysa a medium-range tanker nga adda ti kargana a sumurok-kumurang 250 a ribu a bariles ti methanol.
Naikarga ti kargamento iti maudi a port of call daytoy nga Hamriyah ti United Arab Emirates.
Naammoan a nakalugan dagiti Chinese crew iti Chinese-owned tanker.
Kabayatanna, pinatawan pay ti pannusa ti Estados Unidos ti tanker a Murlikishan a nagturong iti Strait of Hormuz.
