LAOAG CITY – Parmeken ti Estados Unidos dagiti foreign crime groups.
Daytoy ti nagbalin a ballaag ni Secretary of State Marco Rubio iti ibibisita na iti Ecuador.
Kuna ni Rubio, makikoordinar da iti dadduma a pagilian tapno al-alisto da a masapolan dagiti foreign crime groups.
Inrakurak pay ni Rubio nga idesignar ti Estados Unidos ti dua a kadakkelan a criminal gangs iti Ecuador, dagitoy ket ti Los Lobos ken Los Choneros, kas foreign terrorist organizations.
Inarami daytoy ti opisyal sumagmamano nga aldaw kalpasan ti panangipatungpal ti Estados Unidos ti strike a pinuntirya na ti bangka a nagibiyahe ti naruay nga illegal a droga iti paset ti Caribbean sea manipod iti Venezuela a nakatayan ti 11 a drug- traffickers.
