LAOAG CITY – Pinabasol ti Estados Unidos ti Rwandan Army ken M23 Rebel group iti nadara a panagbomba iti displacement camp iti Democratic Republic in Congo.
Basar iti report, adda ti siyam a tattao ti natay a pakairamanan ti pito nga ubbing iti napasamak nga airstrike iti Mugunga Camp iti daya ti ciudad ti Goma.
Naamoan nga agpinpinnabasol ti Congolese army ken M23 rebel group iti napasamak.
Mainaig iti daytoy, ak-akusaran ti Estados Unidos ti Rwanda a mangsupsuporta iti rebel group.
Nupay kasta inawagan ti Rwanda ti akusasyon ti Estados Unidos kas “ridiculous”.
Inpetteng pay ni Rwandan government spokesperson Yolande Makalo a ti Rwanda Defence Force (RDF) ket professional army a saan pulos a mangraot ti kampo a para iti Internally Displaced People (IDP).
