LAOAG CITY – Addaan ti nababa a rango dagiti estudiante a Pinoy iti Creative Thinking Assessment ti Program for International Student Assessment (PISA) nga insayangkat ti Organization for Economic Cooperation and Development (OECD).
Iti nasao nga assessment, maikadua ti Pilipinas iti kababaan a mean score iti Creative Thinking Assessment nga addaan iti score a 14, agraman ti Uzbekistan, ngem nangatngato iti Albania nga isu ti kababaan kadagiti amin a pagilian a makipaspaset iti analysis.
Mainaig iti daytoy, ti iskor ti pagilian ketnababbaba ti iskor iti mean score a 33, a Organization for Economic Cooperation and Development (OECD) average.
Nababbaba ti ranggo ti Pilipinas no idasig iti average ti Program for International Student Assessment no maipapan iti creative thinking performance dagiti babbai ken lallaki, no sadinno dagiti babbai ket addaan iti mean score a 16 ken dagiti lallaki ket addaan iti score a 12.
Segun iti Organization for Economic Cooperation and Development, inpakita ti Pilipinas, agraman ti Albania, Brunei Darussalam, Bulgaria, Macao, Morocco, ken Uzbekistan, ti adda pagkapostanna iti total creative thinking, nga addaan iti di kumurang a tallo a puntos no idasig iti manamnama a performance basar iti math ken panagbasa.
Kinuna ni Andreas Schleicher, direktor ti Organization for Economic Cooperation and Development director for education and skills ken special advisor on education policy to the secretary-general, a ti panangtingiting iti critical thinking ket natural a panagrang-ay para iti Program for International Student Assessment.
Kabayatanna, daytoy ti kaudian a karit a sangsanguen ti sistema ti edukasion ti Pilipinas, a mangtaming iti pannakasapul iti naun-uneg a pannakaawat ken pannakapasayaat ti abilidad dagiti estudiante nga agpanunot a nainsiriban.
