LAOAG CITY – Makasangit ti ragsak ti ina ni Mark Anthony Domingo kalpasan a nakagun-od daytoy iti balitok a medalya iti manarimaan a Palarong Pambansa 2024.
Ni Mark Athony ket estudyante manipud iti Piddig South Central Elem. School, ken nakibinnalubal iti 800 meters run Elementary Boys.
Segun kenni Mrs. Mary Jane Domingo ken Mr. Tonyross Domingo dagiti nagannak ni Mark Anthony a Daytoy iti kaunaan nga pannakisalip ni Mark Anthony iti Palarong Pambansa.
Kuna ti ama ti atleta, a sinubaybayanda ti laban ti atleta no sadinno a saan a nagbalin a lapped ti kinakapsot ti internet tapno saanda a masuportaran ti baro da.
Sakbay a nagun-od ni Mark Anthony ti medalya na ket naammuan a saan a nagbalin a napintas dagii immuna a laban na ngem saan a naawanan ti namnama dagiti nagannak na.
Kabayatanna ni Mark Anthony ket consistent a mangab-abak kadagiti laban na no sadinno a kanayunna a magun-od ti first placer, kas iti napalabas nga Ilocos Norte Athletic Association Meet ken Region-I Athletic Association Meet ket nagballigi daytoy.
Nu pay kasta, saan met nga agkurkurang dagiti nagannak na a palpalagipan ti anakda a masapul a balanse laeng ti panagadal ken ti pannakisalip na kadagiti ay-ayam.
Kabayatanna, mangnamnama ti Rehiyon Uno a makagun-odda ti ad-adu a medalya bayat ti panagleppas ti ay-ayam.
