LAOAG CITY – Napagnunumoan ti European leaders a mangbukel ti Ukraine peace plan nga iprisentar ti Estados Unidos, maysa a napateg nga addang para iti Amerika a makaipaay ti seguridad iti Ukraine basar ken ni British Prime Minister Keir Starmer.
Iti maysa a summit iti London, dua nga aldaw kalpasan a nakisinnungbat ni Ukraine President Volodymyr Zelensky ken ni United States President Donald Trump, nangipaay ti naiget a suporta dagiti world leaders ken ni Ukrainian President ken nagkari ti suporta tapno matulungan ti pagilianda.
Inbatad ni Starmer, mangbukel ti Britain, Ukraine, France ken dadduma pay a pagilian ti maysa a “coalition of the willing” ken mangaramid ti katulagan a maipatulod ken ni Trump.
Saanen nga innaganan pay ni Starmer dagiti sumagmamano a pagilian ngem adu kadagitoy ti nakasagana a makipaset.
Kunana a panawenen tapno agtignay ken agkaykaysa tapno magun-od ti kinakappia.
