LAOAG CITY – Saan a nagbalin a napintas ti resulta iti panangiyam-ammo ni Buboy Villar iti baro a partner daytoy a ni Khrizza Mae “Isay” Sampiano ken ti panangibutaktak ti akotor nga addaanen ti three-month-old baby iti baro a nobiana.
Daytoy ket kalpasan a nagsarita ti ex-live-in partner ti aktor a ni Angillyn Gorens nga addaan ti dua nga annak ken ni Buboy nga agtawen ti pito ken lima.
Naammoan ti publiko ti mapaspasamak iti personal a biag ni Buboy idi surpresaen isuna ni Isay iti panangselebrar ti Kapuso comedian iti maika-27 a panagkasangayna iti Your Honor.
Ti Your Honor ti vodcast program da Buboy ken Tuesday Vargas iti YouLol Originals, ti YouTube channel ti Kapuso Network.
Ni Isay ti surprise guest iti birthday celebration ni Buboy.
Ditoy a naibutaktak iti publiko nga addaandan ti maysa nga anak a nabunyagan iti mismo a panagkasangay ti aktor idi Marso 21.
