LAOAG CITY – Nagdesisyon ti kangatoan a korte ti Thailand a masapol a mabalud ni dati a Prime Minister Thaksin Shinawatra ti maysa a tawen.
Ti nasao a desisyon ket adda ti pakainaigan ti dati a kaso ni Shinawatra no sadinno a nasentensyaan ti sumagmamano a tawen a pannakabalud gapu iti panagkunniber.
Nupay kasta, awan pay ti maysa nga aldaw a nagtalinaed iti pagbaludan gapu ta naikabil iti ospital.
Mainaig iti daytoy, inpetteng ti Korte Suprema a ti pannakaiyakaw ti dati a prime minister iti ospital ket saan a nainkalintegan isut gapuna a masapol nga iserbina ti sentensya na iti pagbaludan.
Maipalagip a ti dati a prime minister ken ti pamilya na ket dinominar da ti pulitika idiay Thailand sipud idi damo a maelektaran kas Prime Minister idi 2001.
Ti anak ni Shinawatra a ni Paetongtarn ket nagserbi kas kaubingan a Prime Minister iti Thailand ngem naikkat iti pwesto iti laeng napalabas a bolan gapu iti nak-leak a saritaan da iti telepono iti lider ti Cambodia.
