LAOAG CITY – Agtultuloy a makaawat ti proteksyon ni dati a South Korean President Yoon Suk Yeol manipod iti Presidential Security Service (PSS) kalpasan a naikkat iti pwesto.
Segun iti Presidential Security Act, ni Yoon ken ti asawa na ket maipaayan ti seguridad iti uneg ti lima a tawen gapu ta daytoy ket naikkat iti pwesto sakbay a malpas ti termino na.
Karaman kadagiti maipaay iti seguridad ti dati a Presidente ket ti panagpatrolya iti lawlaw ti balayna ken panangprotehir tunggal agbiyahe.
Ni Yoon, a nagsapata kas presidente idi Mayo 2022, ket naikkat iti pwesto kalpasan a pinatibker ti constitutional court ti impeachment nga inyuswat ti National Assembly gapu iti panangideklarar na ti apagbiit a martial law idi Disyembre ti napalabas a tawen.
Isuna pay ket agdama a sumangsango iti sabali a kaso kriminal para iti rebelyon.
