LAOAG CITY – Naglikudan ni dati nga US President Donald Trump ti federal charges a maibatbato kontra kenkuana gapu iti maipagarop a panagilemlemmeng na kadagiti sensitibo a dokumento a kukua ti gobierno.
Inaramid daytoy ni Trump sumagmamano nga oras kalpasan a nagpila ti not guilty plea iti panagbasa iti akusasion kontra kenkuana iti Miami, Florida.
Iti isasango ni Trump kadagiti supporters na iti golf club iti Bedminster, New Jersey, naglikudan na dagiti kaso ken inpetteng na a rumbeng a maibasura amin dagitoy.
Inawagan pay ti dati a presidente ti Amerika a politically motivated persecution ti federal cases ken inakusaran na ni US President Joe Biden a gandat na a dadaelen ti kandidatura na para iti 2024 US presidential election.
Idi laeng kalman ket inparuk-at ti US Justice Department ti indictment iti 37 criminal charges kontra ken ni Trump karaman ditoy ti 31 charges iti babaen ti Espionage Act.
Iti nasao nga indictment, naakusaran ni Trump karaman ti aide na a ni Walt Nauta a nangilemmeng kadagiti classified records, sumagmamano a dokumento a naglaon kadagiti sensitibo a national security information ken maipagarop a linapdan ti gandat a mangrekobre kadagiti dokumento.
Nupay kasta, inadmitir ni Trump nga inlemmeng na dagiti classified documents iti baet dagiti requests ken subpoena kenkuana tapno maisubli dagiti dokumento iti National Archives.
Namin-ado a daras nga inpetteng ni Trump nga entitled daytoy iti classiffied documents iti babaen ti Presidential Records Act ken na-declassify dagitoy sakbay a bimmaba iti pwesto kas presidente ti Amerika.
