LAOAG CITY – Inpakaammo ni Mrs. Edna Orcino, admistrator ti Red Cross-Laoag City Chapter nga adda dagiti indibidual a nang-hack iti facebook account na.
Segun ken ni Orcino, immuna a nadiskobre na a na-hack ti account na kalpasan nga inpakaammo kenkuana ti kadua na iti trabaho idiay La Union nga adda ti facebook story na.
Inbatad na a ti nasao nga story ket agaw-awis iti publiko nga ag-avail ti promo ti gcash, banag a saan na nga inaramid.
Immuna iti daytoy, kuna ni Orcino nga idi parbangon iti pannakasarabo ti baro a tawen nadlaw nan iti facebook nga account na nga arig nga ado ti nabalbaliwan.
Inpakaammo na karaman kadagiti nabaliwan ket ti security features ti account na kas iti email ken dagiti naka-link a cellphone number na.
Patien ni Oricino a ti namunganayan ti pannaka-hack ti account na ket dagiti maipaspasa a links iti messenger.
Gapu iti daytoy, nagpalagip ni Orcino kadagiti friend na iti facebook nga awan ti active nga account na iti agdama ken saan nga agipatulod iti aniaman a kantidad iti na-hack nga account na.
Nagballaag pay a saan a dagus nga aglukat kadagiti links a maipaspasa iti aniaman a social media accounts gapu ta mabalin nga isu ti mangitunda iti panangserrek dagiti hackers iti bukod nga account.
Inpakaammo ni Orcino nga adda metten ti panangipakammo na ti nasao nga hacking kadagiti kameng ti PNP.
