LAOAG CITY – Inrakurak ti aktres a ni Faith da Silva nga adda ti sumagmamano a “disadvantage” ti panagbalin a napintas ti maysa a babai.
Karaman ditoy ti kaadda dagiti agkursunada a lallaki ngem saan nga ammo no ania a talaga ti pudno a rantada wenno intensyon da.
Inlawlawag ni Faith a basar iti kapadasan na ket adda dagiti nagkursunada kenkuana ngem saanna a maawatan no kayat laeng dagiti lallaki nga usaren isuna wenno idisplay gapu iti kinalapsat na.
Kuna na pay a gapu iti kina-sexy na ket sabali iti panpanunten ti lalaki no sadinno a mapukpukaw ti respeto da kenkuana.
Innayon na a ti maysa pay a disadvantage ti panagbalin na a napintas ket ti maipapan iti pannakipagayam na kadagiti lallaki gapu ta kaadoan kadagiti nagbalin a pagayam na ket nainlove da kenkuana, banag a saanna a maawatan.
Inpalgak na no dumteng ti kastoy a sitwasyon ket saannan a kasarsarita pay dagiti pagayam na a lallaki a mangipudno ti ayatna kenkuana.
