LAOAG CITY – Nabayag a naginana iti online ti Homan couple.
Iti latest vlog ti The Homans, inadmitir ni Angelica Panganiban a nagsardeng daytoy iti panag-post iti online gapu kadagiti naglabas a situasion a napasaranna no sadinno maysa ditoyen ti pannakatay ti ina ti aktres.
Maipalagip a natay ti ina ni Angelica a ni Mommy Ebela short for Annabelle idi Agosto 20 a kellaat ti ipapatayna.
Maysa kadagiti wagas tapno magun-od ti pannakaliwliwana ket ti pannakaselebrar ti panagkasangay ni Gregg Homan ken anakna a ni Amila.
Naammoan a ti intimate occasion ket naiyuswat iti Ebela’s farm a kukua ti agasawa a rinantada nga ipanagan iti pimmusay nga ina ti aktres.
