LAOAG CITY – Ilungalong ti maysa a grupo iti Kongreso ti linteg a gagem a mangpapigsa ti farm-to-market initiatives ti pagilian tapno masolbar ti problema iti kinakurang wenno over production dagiti produkto iti agrikultura.
Inbatad ti grupo a gapu iti amak a maperdi ken gapu iti panagbaba ti farm gate prices iti P4 iti kada kilo ti kamatis mapilitan laengen dagiti mannalon nga ited dagiti inapitda.
Daytoy ket kalpasan iti panagbaba ken panagngato ti presio kadagiti produkto.
Idi Enero, inrakurak ti Department of Agriculture a dumanon ti P360 iti kada kilo ti presio ti kamatis idinto a P20 met kadagiti medium-sized a kamatis kadagiti merkado idiay Manila.
Inpetteng ti grupo ti kinapateg ti epektibo ken naurnos a legislative measures tapno masolbar ti kinakurang ken dagiti problema iti farm-to-market system.
Ti naurnos a legislative measures ket makatulong iti patas a distribusion dagiti kamatis ken mapagtalinaed ti presio daytoy kadagiti nagduduma a paset ti rehion.
