LAOAG CITY – Nagpirma ti Department of Health ken Department of Agriculture ti Memorandum of Agreement para iti panangisayangkat kadagiti evaluation kadagiti bakuna ken biologics dagiti animal.
Iti Memorandum of Agreement (MOA), masapul nga ipaulog ti Food and Drug Administration ti License to Operate (LTO) kadagiti manufacturer, traders, distributor, ken retailer kadagiti agas ken produkto ti beterinaryo agraman dagiti bakuna ken biologics.
Maibasar iti Memorandum of Agreement, mangipaulog ti Food and Drug Administration iti License to Operate iti Bureau of Animal Industry para iti manufacturing wenno importation ken ti pannakaipaulog ti certificate of no objection para iti panagangkat ti Bureau of Animal Industry kadagiti bakuna ken biologics para iti testing ken research.
Mainaig iti daytoy, ti Highly Pathogenic Avian Influenza (HPAI) ken African Swine Fever ket agpada a makaakar a sakit a maapektaran ti lokal nga industria ti manok ken karne ti baboy.
Malaksid iti daytoy, manamnama a mangisayangkat ti Bureau of Animal Industry kadagiti test tapno maipasigurado a natalged ken epektibo dagiti lokal ken imported a bakuna ken biologics.
Kabayatanna, mai-endorso dagiti pribado nga aplikasion iti Food and Drug Administration para iti pannakaipaulog dagiti sertipiko ti panagrehistro ti produkto kadagiti lokal ken imported a produkto.
