LAOAG CITY – Kiniddaw ti Food and Drug Administration kadagiti nagduduma a lokal a gobyerno a mangipasa da ti ordinansa a mangiparit kadagiti sari-sari store ti aglako kadagiti agas agraman ti dagiti peke.
Iti Talk to the People ni Presidente Rodrigo Duterte, nagballaag ni FDA officer in charge director general Oscar Gutierrez Jr kadagiti consumer iti risgu no makagatang da ti agas kadagiti saan a lisensyado nga outlets.
Kuna na nga addaan ti ordinansa seknan ti nasao nga isyiu iti Davao de Oro.
Kabayatanna, inpasingked ni Department of Interior and Local Government Secretary Eduardo Año, a mangiyisyu ti memorandum circular tapno maaddaan da ti kampanya kontra kadagiti agilaklako ti peke nga agas agingga iti lebel dagiti sari-sari stores.
Immuna iti daytoy, inpakaammo ni Gutierrez nga umabot iti 185 a sari-sari store dagiti aglaklako ti agas agraman kadagiti COVID-19 related drugs, manipud iti National Capital Region, Region 4-A ken Region 5.
Siyam kadagitoy ti aglaklako ti peke nga agas.
Innayon ni Gutierrez a panagsalungasing daytoy iti Republic Act 10918 wenno Philippine Pharmacy Act ken ti FDA Act of 2009.
