LAOAG CITY – Bimmaba ti rankings ti Philippine women’s national football team.
Iti kaudian nga edisyon ti FIFA Women’s World Rankings ket adda iti maika-41 dagitoy iti agdama.
Iti napalabas a rankings ket addada iti maika-39 ti world rankings ti FILIPINAS.
Maysa kadagiti kangrunaan a nangitunda ti panagbaba ti rankings-da ket ti nagtipon a resulta ti FIFA window idi Oktubre.
Inabakda ti Jordan 3-0 ngem napaayda iti nababbaba a ranking-da iti Kenya iti iskor a 4-1.
Ti pannakaabakda iti Kenya ket maysa kadagiti nakakigtotan nga idi ket maika-39 ti ranking ti FILIPINAS idinto ti Kenya ket adda iti maika-151.
Gapu iti daytoy, ngimmato met ti ranking ti Kenya nga adda iti maika-149.
Naammoan a ti Filipinas ket maika-pito a ranked team iti Asya, maika-walo ti Japan, maika-siam ti Korea-DPR, Australia maika-15, maika-17 ti China, maika-20 ti South Korea ken maika-37 ti Vietnam.
Nagtalinaed iti umuna a puesto ti Olympic champion nga USA a sinaruno ti Spain idinto ti Germany ket adda iti maikatlo a puesto.
