LAOAG CITY – Manamnama a pilaan ti pilantropo ken Filipino-Indian businessman a ni James Kumar ti kaso a perjury kontra kada Jonathan Morales, dati a staff ti National Police Commission (NAPOLCOM) a da Eric “Pikoy” Santiago ken ahente ti imbestigasion ti Department of Justice (DOJ) a ni Romeo Enriquez.
Segun kenni Atty. Cherry Anne dela Cruz, legal counsel ni Kumar, daytoy ket kalpasan ti maipagarup a malicious ken defamatory statements-da kadagiti napalabas a Senate hearings mainaig kadagiti Philippine Drug Enforcement Agency leaks wenno PDEA leaks.
Ti awan patinggana a panagulbodda ket mangpatpataud iti negatibo nga epekto iti reputasion ken salun-at ti kliyentena nga adda itan iti ospital gapu iti mild stroke.
Maipalagip a ni Kumar ti founding president ti Filipino-Indian Commerce Welfare Society ken kameng ti board ti Violence Against Crime and Corruption.
