LAOAG CITY – Balligi a naisayangkat ti First Quarter Meeting ti City Disaster Risk Reduction and Management Council iti City BAC Office.
Segun ken ni Vice Mayor Rey Carlos Fariñas, ditoy a napagsasaritaan ti proposed budget iti opisinana iti City Disaster Risk Reduction and Management Office para iti tawen 2027.
Inbatadna a karaman pay ditoy ti accomplishment report ti first quarter ti 2026.
Inlawlawagna a daytoy a panagtataripnong ket tapno ad-adda nga ipatungpal a naimbag ti panagsagsagana para kadagiti aniaman a didigra.
Kunana a ditoy pay a natalantan dagiti mabalin pay a pagbalbaliwan ti City Disaster Risk Reduction and Management Office ken tapno mausarda ti budget ti opisinada iti husto ken produktibo a pakausaranna.
Naammoan a daytoy a panagtataripnong ket inatendaran ni Dr. Melvin Manuel, mangidadaulo ti City Disaster Risk Reduction and Management Office ken dadduma pay a pannakabagi iti nadakamat nga opisina ken kadagiti sumagmamno a konsehal ditoy siudad ti Laoag.
