LAOAG CITY – Kinumpirmaran dagiti imbestigador a narekobre dan ti flight data recorders wenno ti black boxes manipod iti American Airlines jet a nakadinnungpar ti US army helicopter iti Potomac River nga asideg ti Washington DC.
Basar iti National Transportation Safety Board (NTSB), ado dagiti impormasyon manipod iti black boxes ngem kasapulan ti naan-anay a panawen tapno maiberipikar dagitoy.
Inrakurak ti National Transportation Safety Board a maiparuk-at ti preliminary report iti uneg ti 30 nga aldaw.
Immunan nga indanun ni President Donald Trump ti pannakipagladingit na iti pamilya dagiti pimmusay a nakalugan iti American Airlines jet.
Kagiddan iti daytoy, binabalaw ni Trump ti diversity rules iti babaen ti dati nga administrasyon no sadinno nga inpetteng na a dagiti indibidual a naala nga agpaay iti air traffic control ket saan a kwalipikado.
Iti audio clip, mangngeg ti panagsalsaludsud ti air traffic controllers kadagiti crew ti helicopter no makitkita da ti eroplano.
Kabayatanna, iti agdama ket addan ti 44 a bangkay ti narekobre dagiti otoridad, karaman ditoyen dagiti tallo a nakalugan iti US army helicopter
