LAOAG CITY – Kinumpimran ni Mr. Ronald Estabillo, ti CAAP Manager iti Laoag International Airport (LIA) a sipud idi Marso 1 ket nanayonen ti flights da para iti Laoag-Manila vice versa.
Segun kenni Estabillo, manipud iti dua a flights iti kada lawas ket napagbalin a lima iti kada lawas.
Inbatad na a ti flights ket iti aldaw ti Martes, Miyerkules, Biyernes, Sabado ken iti Domingo.
Kunana a ti maysa kadagiti rason no apay a nanayunan metten ti flight iti LIA ket gapo ta limmukay metten ti restriksyon ken adon dagiti sumsumrek ken rumrumuar ditoy probinsya.
Inpalgak na nga adda latta dagiti requirements wenno dokumento a kasapulan ken makikoordenar laeng iti Philippine Airlines sakbay a makagatang ti ticket dagiti pasaheros.
Mainaig iti daytoy, kuna ni Estabillo a saan na a maibaga no kaano ti kaadda ti commercial flights manipud iti ballasiw taw gapo ta dagiti pay laeng sumangsangpet ket babaen iti private-owned aircraft.
