Inpakaammo ni Barangay Chairman Emerson Aquino ti Barangay Medina iti ili ti Dingras nga awan ti nagbalin a problema kabayatan iti pannakaipatungpal ti flood control project iti Bongo River Phase III a sakupen iti barangayda.
Inbatadna nga awan met ti timmaod nga aniaman a parikot dagiti residente mainaig iti flood control project ti Department of Public Works and Highways.
Inlawlawagna a nagduduma a dagiti contractor a nangiggem iti pannakaipasdek iti nasao a karayan.
Kabayatanna, basar iti panagsukisok ti Bombo Radyo Laoag News Team, naduktalan a dumanon iti sumurok 48 a milyon a pisos ti nailatang a pundo no sadinno a ti contractor ket ti AJ Taylan Construction Corporation a nalpas idi Enero 19, 2024 kas maibasar iti datos manipud iti “Sumbong sa Pangulo” website ni Presidente Ferdinand Marcos Jr.
