LAOAG CITY – Manarimaan ti pannakaaramid ti flood control iti Sabo dam idiay Carasi, Ilocos Norte babaen ti Department of Public Works and Highways (DPWH).
Daytoy ti inpakaammo ni Mayor Rene Gaspar iti ili ti Carasi.
Inbatad ni Gaspar a dakkel a tulong ti maaramid a flood control gapu ta protehiran na dagiti imprastraktura nga ipatakder ti munisipyo iti ili ti Carasi.
Segun ti mayor, umabot ti agarop 30 a milyon a pisos ti pondo ti flood control ken agatiddog daytoy iti 300 a metro.
Mainaig ti daytoy, kuna ti mayor nga addan ti imprastraktura a naipatakder ti nasao a lugar kas ti function hall, ken iti agdama ket manarimaan ti pannakaipatakder dagiti stalls a mabalin nga okuparen dagiti mayat nga agnegosyo.
