LAOAG CITY – Mangpartuat ti methane gas dagiti tedda a taraon a maibelleng iti pagbasuraan.
Daytoy ti inpakaammo ni Ms. Mylene Pascual, mangidadaulo iti City Environment and Natural Resources Office.
Segun kenkuana, no adda ti methane gas iti aglawlaw ken maisarang ti init ket mabalin daytoy a mangbuangay ti apoy nga agresulta ti uram.
Gapu iti daytoy, inbalakadna a sayaaten ti mangi-dispose kadagiti biodegradable waste tapno maliklikan daytoy a pasamak.
Innayonna a napinpintas no ti laeng kabaelan a kanen ti lutoen tapno maliklikan a maaddaan ti food waste.
Kabayatannna, namnamaenna a makitinnulong dagiti residente ditoy siudad babaen ti panagtulnog kadagiti balakadda tapno maliklikan ti uram a mairekord ditoy siudad ti Laoag.
