LAOAG CITY – Ngimmato ti US$7.1 bilyon ti pakabuklan a net foreign direct investments (FDI) a simrek iti Pilipinas manipud idi Enero agingga iti Nobiembre 2025.
Daytoy ket basar iti inparuk-at a datos ti Bangko Sentral ng Pilipinas (BSP) a mangipakpakita ti natibker a kumpiansa dagiti gangannaet a negosiante iti ekonomia ti pagilian.
Nakairekord ti pagilian ti net inflows nga agbalor ti US$897 milyon para iti bulan laeng ti Nobiembre 2025
Rimmuar iti report a ti South Korea ti nagbalin a kangrunaan a naggapoan ti pundo iti nasao a bulan no sadinno a dakkel a paset ti panagpuunanda ket naibusbos iti manufacturing industry.
