LAOAG CITY – Indeklarar ti France ti national mourning kalpasan ti iduduprak ti Cyclone Chido iti Isla to Mayotte iti nasapa a paset ita a bolan.
Nagpanawagan ni French President Emmanuel Macron ti nationwide remembrance kabayatan ti ibibisita na iti isla.
Iti panagturong ni Macron iti Isla ket adda dagiti residente a nanglalaaw kenkuana gapu iti kinabayag ti pannakaibunong dagiti tulong.
Mapagam-amkan a ginasut wenno umabot pay ti ribo a tattao ti natay iti panagdisso ti daga ti bagyo iti isla iti kallabes.
Kas paset ti pannakisimpatiya ti umili iti pamilya dagiti natay ket mangipaay da ti tribute ken maipan ti half mast ti bandera ti France.
Ti bagyo Chido ti maibilang a kapigsaan a bagyo a dimmuprak iti pagilian iti uneg ti 90 a tawen.
