LAOAG CITY – Sumangsango ti France ti krisis iti pulitika kalpasan ti panagikkat kas prime minister ni Sébastien Lecornu, 26 nga aldaw kalpasan a naipatugaw.
Kalpasan laeng met ti sumagmamano nga oras, inakseptar ni Lecornu ti kiddaw ni French President Emmanuel Macron nga agtrabaho para iti stability ti pagilyan da.
Ti saan a ninamnama a pasamak ket nangitunda iti nakaro a panagbaba dagiti stock iti Paris exchange iti baet dagiti panagamak iti abilidad dagiti political parties’ a mangsolbar iti epekto na iti ekonomia ti pagilian.
Ummuna iti daytoy, ti panaglusulos ni Lecornu ket maysa nga aldaw kalpasan ti panangbukel na iti gabinete na no sadinno ti ministerial line-up-na ket nakaro a binabalaw iti board babaen kadagiti partido iti National Assembly.
Ti nominasion ti dati finance minister Bruno Le Maire kas minister iti armed forces nangnangruna ket maysa kadagiti rason iti political factions.
Naamoan a kalpasan met a nakritikar ket inrakurak na ti panagbaba na kas minister iti armed forces.
Kabayatanna, ni Lecornu ti maikatlo a French Prime Minister a nagikkat sipud idi Disyembre.
