LAOAG CITY – Naiget ti panagsagsagana itan ti Philippine National Police sumagmamano nga aldaw sakbay ti Philippine National Police tapno siguradoen ti seguridad iti intero a pagilian.
Iti command conference iti Camp Crame, naidasaren ti final operational timeline para iti election security operations.
Inbatad ni PNP Chief General Rommel Francisco Marbil, addan iti kritikal a tignay ti panagsagsagana ti nailian a pulisia.
Inpettengna a napateg ti akem ti pulisia iti panagtalinaed ti naurnos, nakappia ken nadalus nga eleksion.
Mangrugi inton bigat, Mayo 8, ipatungpalen ti full deployment dagiti pulis kadagiti presinto ken areas of concerns.
Nagpanawagan pay ni Marbil kadagiti pulis nga agtalinaed nga alerto, propesional ken addaan ti integridad iti pannakaipatungpal ti responsibilidad dagitoy.
