LAOAG CITY – Inlawlawag ti aktres a ni Gabbi Garcia maipanggep iti singsing a suot-na iti in-post-na a ladawan.
Gapu iti daytoy, naruay dagiti nangipatulod kenkuana ti mensahe manipud kadagiti pagayamna ken mangsupsuporta kenkuana gapu ta nagpalawag dagus isuna iti singsing a suotna no sadinno a napagatapanda nga engaged daytoyen.
Makita iti ladawanda iti boyfriend-na a ni Khalil Ramos a nakabisong iti pingpingna no sadinno a nakita iti ima ni Gabbi a nakasuot ti singsing nga addaan ti batbato.
Kunana a naggapu iti inana ti nasao a singsing.
Inbatadna a ti pagaammona ket iti akin-kannigid nga ima a maisusuot ti engagement ring ken ti nadakamat a ladawan ket adda iti akin-kannawan nga imana.
Kabayatanna, nabayagen nga agkarelasionda ken ni Khalil isu nga adu ti nagatap a nag-propose ti boyfriend-na kenkuana.
