LAOAG CITY – Naitayab ti galba ti maysa a pagtaengan iti Barangay Pila ditoy ciudad ti Laoag gapo iti napigsa nga angin a napasaran idi laeng rabii.
Daytoy ti kinumpirmaran ni Dr. Melvin Manuel, ti mangidadaulo ti City Disaster Risk Reduction and Management Office ditoy ciudad ti Laoag.
Segun kenni Manuel, babaen iti tulong dagiti opisyales ti barangay ket dagus a naiyakar dagiti apektado a miembro iti pamilta iti pagtaengan ti kabagyan da.
Kabayatanna, nakaawid metten kadagiti bukod da a pagtaengan dagiti amin a bakwit.
Inbatad na pay a naiget met ti panagmonitoring da kadagiti amin a barangay ditoy ciudad ti Laoag ken ti koordinasyon da kadagiti opisyales.
