LAOAG CITY – Nagtennag iti pammaltog ti napamasak a panagtagbat gapo iti riri ti padanom iti taltalon idiay Barangay Sta. Catalina iti ili ti Pasuquin.
Segun kenni Police Chief Inspector Roldan Suitos, chief of police ti PNP-Pasuquin, ummuna a napasamak ti panagtagbat a nakasugatan iti nagduduma a paset ti bagi ni Kennedy Corpuz babaen ti suspek a ni Simplicio Eda Jr.
Inbatad na a namunganay ti pasamak iti saan a panagkinnaawatan da Corpuz ken Eda mainaig iti padanom iti taltalon.
Iti inisyal nga imbestigasyon, kunana a kalpasan a naitaray ni Corpuz iti ospital ket bimmales dagiti dua nga annak na babaen ti panagpaltog da met iti anak ni Eda a ni Edwin Eda.
Gapo iti daytoy, nadamgisan ti patong ni Edwin babaen ti panagusar dagiti suspek ti 9MM a paltog.
Rumrumwar a dagiti dua a suspek ti pammaltog ket saggaysa da ti paltog.
Manarimaan met a mabirbirok dagiti saan pay a nainaganan a suspek ti pammaltog idinto a ti ama nga Eda ket adda iti kustudiyar ti PNP-Pasuquin.
