Maysa a baro a career milestone ti nairekord ti national Mr. Pure Energy Gary Valenciano kalpasan ti panagpirmana kas opisial nga artist iti Star Magic kagiddan ti selebrasion ti maika-40 a tawenna iti industria.
Agyaman ni Gary iti agtultuloy a panagtalek ti Kapamilya network gapu iti kontrata na babaen iti Star Magic.
Para kenkuana, ibilangna a kas ‘reinvention’ daytoy iti bagina kalpasan ti uppat a dekada iti showbiz.
Kayat ni Gary ti agserbi nga inspirasion kadagiti agtutubo babaen ti Star Magic.
Malaksid iti daytoy, inamin pay ni Gary a silulukat daytoy nga agakto iti sango ti kamera.
Kagiddan ti milestone-na kas Kapamilya ken baro nga artista ti Star Magic, agpabuya ni Gary V ti dakkel a solo concert-na a napauloan ti Pure Energy: One Last Time inton Abril 26 agingga 27, 8 p.m. iti Mall Asia Arena.
