LAOAG CITY – Dumanon iti sumurok-kumurang nga P88.2 bilyon a gatad ti buis ti napukaw iti gobierno idi 2023 gapu kadagiti peke a Persons with Disabilities (PWD) ID.
Daytoy ti inbutaktak ni Senador Sherwin Gatchalian iti panagdengngeg ti Senate Committee on Ways and Means.
Segun iti senador, adda ti 8.5 milyon ti aagus-usar ti peke a PWD ID ken 1.8 milyon laeng ti “legitimate” na PWDs.
Inbatad ni Gatchalian, ti diskuento nga ipapaay dagiti establishimento, ti gatadna ket dumanon iti P166 bilyon.
Kuna met ni Restaurant Owners of the Philippines (Resto PH) president Eric Teng nga adda ti nakitada a panagngato manipud iti 5% agingga iti 25% kadagiti lakoda a naapektaran iti PWD discount iti napalabas a dua a tawen.
