LAOAG CITY – Naglikudan ni Carmela Aglipay, General Manager ti Carnival ditoy ciudad ti Laoag iti reklamo ti maysa a nagay-ayam iti pagperyaan.
Daytoy ket kalpasan a naipost iti social media ti naala a premyo a softdrink iti pagperyaan no sadinno a ti karga na ket maipagarup nga isbo.
Segun kenni Aglipay, kalpasan a naamoan da daytoy nga isyu ket dagus a kinita da dagiti paay-ayam da.
Inpasingked na a maymaysa a produkto ti softdrink ti nakadisplay a papremyo da.
Patien ni Aglipay a posible a nagatang iti tianggi ti mairekreklamo a botelya ti softdrink.
Nupay kasta, kunana a saan na a kontrol amin a mapaspasamak iti uneg ti pagperyaan.
